सरला सुवेदी
बाँके।पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आज बिहान नेपालगञ्ज रंगशालाको अवलोकन गर्नुभएको छ। अवलोकनपछि उहाँले नेपालगञ्ज रंगशाला पश्चिम नेपालको खेलकुद क्षेत्रको विकासका लागि महत्वपूर्ण रहेको बताउनुभएको छ।
बिज्ञापन
शनिबार सुर्खेतस्थित कर्णाली प्रदेश रंगशालाको पनि अवलोकन गरेका प्रचण्डले पश्चिम नेपालमा खेलकुद संरचनाको विकास हुँदै जानु खुशीको कुरा भएको बताउनुभयो। उहाँले, “माओवादी नेतृत्वको सरकार भएको बेलामा विशेष गरी हाम्रो नेता महेश्वर गहतराज संघीय खेलकुदमन्त्री भएको बेलामा नेपालगञ्ज रंगशालाको पूर्वाधार निर्माणले गति लिएको हो। त्यसैले पनि यो हाम्रा लागि विशेष महत्वको छ।”
बिज्ञापन
यही वर्ष कर्णालीमा दशौं राष्ट्रिय खेलकुद हुने भएकाले नजिकको नेपालगञ्जका खेल पूर्वाधारहरु पनि आवश्यक पर्ने उल्लेख गर्दै प्रचण्डले नेपालगञ्ज रंगशालाको उपयोग गरेर फाइदा लिनुपर्ने धारणा राख्नुभयो ।उहाँले खेलकुद व्यक्तिको स्वास्थ्य र देशको गौरवसँग जोडिएकाले आफ्नो पार्टीले सरकारमा हुँदा वा नहुँदा खेल क्षेत्रको विकासलाई प्राथमिकतामा राखेर अघि बढेको बताउनुभयो।
प्रचण्डसँगै नेता शक्ति बस्नेत, चक्रपाणि खनाल, महेश्वर गहतराजलगायतको पनि अवलोकनमा सहभागिता रहेको थियो।
प्रतिक्रिया दिनुहोस्