बर्दिया ।बर्दिया जिल्लाको बासगढी नगरपालिका–१

स्थित दोन्द्रे खोलामा बेपत्ता  युवाको  अवस्था अज्ञात   खोजि कार्य  अझै जारी रहेको छ।

   बाँके जिल्लाको कोहलपुर–२ निवासी करिब ३२ वर्षीय माधव न्यौपानेलाई शुक्रबार दिउँसो खोलामा आएको भेलले बगाएको जिल्ला प्रहरी कार्यालय, बर्दियाका डीएसपी तुल्सीराम अर्यालले जानकारी दिनुभएको छ। न्यौपाने ७ जना साथीहरूसँग घुम्न आएका थिए।

घटना घटेपछि इलाका प्रहरी कार्यालय, बासगढीका प्रहरी निरीक्षक रुपेश साहले उद्दार टोली खटिएको बताउनु भएको छ। उद्दार प्रयास भए तापनि अहिलेसम्म बेपत्ता युवाको कुनै पत्तो लागेको छैन। प्रहरीको प्रारम्भिक अनुसन्धान अनुसार, सबै साथीहरू नुहाएर फर्किंदै गर्दा न्यौपाने ढुंगामा चिप्लिएर खोलामा बगेका थिए। घटनापछि प्रहरी टोलीले खोजीकार्य जारी राखेको छ।

प्रहरीका अनुसार घटनाको थप अनुसन्धान भईरहेको छ। शनिबार  दिनभर र आज आइतबार पनि खोजी कार्यलाई निरन्तरता दिइएको छ। स्थानिय तहको सहयोगमा प्रहरी र स्थानीय बासिन्दाहरूले संयुक्त रूपमा खोजी कार्यमा खटिएका छन्। यस क्षेत्रमा यस्ता घटनाहरू बेला–बेलामा घट्ने गरेका छन्, विशेष गरी बर्षातको समयमा खोलामा आएको भेलले नुहाउने क्रममा मानिसहरूलाई बगाउने गरेको पाइन्छ। घटनास्थलको कठिन भू–भागले खोजी कार्यलाई केही चुनौती थपेको बताइएको छ।