३, असोज २०८१

सुर्खेत। राउटे समुदायका एकजना युवकको मृत्यु भएको छ ।

२२ वर्षीय वृषबहादुर शाहीको मृत्यु भएको हो । उहाँलाई भदौ ३१ गते उपचारको लागि प्रदेश अस्पताल लगिएकोमा अस्पताले फिर्ता पठाएको थियो ।

 

उहाँलाई राउटे बसोबास गरेको स्थान दैलेखको गुराँस गाउँपालिका–१, सिमेलसाल फर्काउँदै गर्दा बाटोमै मृत्यु भएको हो । उनी ६ महिनादेखि बिरामी हुनुहुन्थ्यो तर र अस्पतालमा उपचार गर्न जान नमानेका कारण अन्तिम समयमा बल्ल सम्झाई बुझाइ गरेर लगिएको थियो । उहाँमा क्षयरोग रोग देखिएको अस्पतालले जानकारी दिएको छ ।

‘क्यान्सर पो हो कि भनेर मासु लिएर चेक गर्न खोज्दा राउटे मन्जुर नभएपछि अस्पतालले डिस्चार्ज गरिदिएको थियो । उनी राउटे समुदायभित्र पर्ने कल्याल जातीका मुखिया वीरबहादुर शाहीका साइँला सन्तान हुन् ।

 

यसअघि मृतकका दाजु कपिल शाहीको ६ वर्षअघि मृत्यु भएको थियो । वृषबहादुरको मृत्यु भएसँगै अब राउटेको जनसङ्ख्या घटेर १३४ मा झरेको छ ।